22 чэрвеня 2024 года з 18.00 да 21.00 Купалле – старажытнае летняе свята ў гонар сонца, найвышэйшага росквіту зямлі і прыроды. У таямнічую купальскую ноч уся вясковая грамада збіралася ля вогнішча, каб спаліць старыя рэчы, павадзіць карагоды і зладзіць вясёлыя гулянні. Менавіта ў купальскую ноч кожны прагнуў адшукаць папараць-кветку і авалодаць усімі ведамі зямлі. А вядзьмаркі і чараўнікі карысталіся магчымасцю ператварыцца на адну ноч у змей, каб нарабіць шкоды людзям. Беларускі дзяржаўны музей народнай архітэктуры і побыту запрашае далучыцца да...

15 чэрвеня 2024 года з 13.00 да 14.30 Першы ўкос – гэта спрадвечнае і важнае свята для нашых продкаў. На першы ўкос збіраліся ўсёй вёскай на вялікую талаку. Талакой называлі працоўную ўзаемадапамогу пры выкананні найбольш працаёмкіх работ у гаспадарцы. Гэты калектыўны працоўны звычай – старажытны па сваім паходжанні і высакародны паводле характару дзейнасці. На талацэ, акрамя працы, людзі разам адпачывалі і спажывалі ежу, што таксама мела магічны сэнс. Сумеснае спажыванне кашы на полі павінна было прынесці ўрадлівасць зямлі і дабрабыт чалавеку,...

Дарагія сябры! У гэтым годзе ў 3-х з Вас ёсць унікальная магчымасць самім стаць удзельнікамі Свята «Першы ўкос» (Музейная сенакосная талака) — 15 чэрвеня 2024 года. Першыя 3-ы чалавекі, што паспеюць зарэгістравацца, змогуць паспрабаваць свае сілы ў конкурсе касцоў і заслужыць памятныя падарункі. Паспяшайцеся. Прапанова і сапраўды абмежавана. Рэгістрацыя па тэлефоне: +375 17 3955913. Удачы! etna.by