5 красавіка 2026 года

З 14:00 да 15:00

Вербніца - апошняя перад Вялікаднём нядзеля, з якою звязана асвячэнне ў храмах галінак вярбы, якія служылі аберагальным сродкам. Пасля асвячэння было прынята сцябаць вербачкамі адзін аднаго з прыгаворкамі і пажаданнямі: «Хвароба ў лес, здароўе ў косці». Людзі верылі, што б’ючы галінкамі, можна перадаць чалавеку здароўе і жыццёвую моц. У хрысціянстве гэты дзень быў прымеркаваны да ўваходу Ісуса Хрыста ў Ерусалім, дзе народ сустракаў яго пальмавымі галінкамі.

Таму запрашаем усіх жадаючых у гэты дзень наведаць Беларускі дзяржаўны музей народнай архітэктуры і побыту, каб стаць часткай свята «Вербніца».

Вас чакае:

• Асвячэнне галінак вярбы святаром;
• Майстар-клас па ўпрыгожванню галінак вярбы;
• Традыцыйныя абрады, якія звязаны з асвечанай вярбой;
• Расповед пра свята «Вербніца».

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 16,00 руб.;
• студэнтаў вышэйшых устаноў адукацыі (студэнцкі білет) – 8,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 8,00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 19:00. Каса працуе з 10:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №№1277,1111,1026.