18 мая 2024 года

з 14.00 да 16.00

З нагоды Міжнароднага дня музеяў запрашаем на ўнікальнае свята, дзе кожны зможа прыяднацца да нематэрыяльнай спадчыны Берасцейшчыны!

Берасцейская зямля багата на разнастайныя мясцовыя цікавосткі.

Традыцыйны роспіс на шкле, сушаная ў печы на саломе рыба, шчэпавая птушка і шматфігурны танец “Спораўская полька” – векавыя традыцыі і своеасаблівыя брэнды Бярозаўскага раёна.

Асаблівыя традыцыі існуюць і ў в.Пінкавічы Пінскага раёна – веснавыя карагоды-“танкі” на Вялікдзень, Правадную нядзелю і абрад “Праводзіны зімы”.

Запрашаем правесці незабыўны час у музеі пад адкрытым небам!

Вас чакае:

• Майстар-клас па роспісу на шкле і выстава твораў студыі «Папараць»;
• Выступ узорнага фальклорнага гурта «Жаўручкі» і народнага фальклорна-этнаграфічнага ансамбля «Жураўка» Спораўскага цэнтра культуры і вольнага часу;
• Прэзентацыя традыцыі прыгатавання рыбы, сушанай у печы на саломе Спораўскага цэнтра культуры і вольнага часу;
• Майстар-клас па вырабу шчэпавай птушкі;
• Выступ народнага фальклорнага калектыва «Крыніцы» Пінкавіцкага сельскага дома культуры, абрады, песні, карагоды.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 14 руб.;
• студэнтаў вышэйшых устаноў адукацыі (студэнцкі білет) – 7 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 7 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да 18:30.

Свята пачынаецца ў 14.00. Прыходзьце, калі ласка, за 15 хвілін да пачатку!

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.
• Экскурсіі ў дзень мерапреыстваў ажыццяўляюцца толькі па папярэднім запісе.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170С), Чыкі; маршрутнае таксі №1277, №1111, №1026.