15 лютага 2025 года

з 14:00 да 15:00

Грамніцы – дзень сустрэчы зімы з летам, свята свечкі і «жывога агню». Адно з нерухомых святаў народнага календара, якое адзначаецца 2 лютага ў каталікоў і 15 лютага ў праваслаўных вернікаў. У гэты дзень можна было ўпершыню пачуць гром і ўбачыць маланку.

Здаўна лічылася, што незвычайнымі ўласцівасцямі валодае грамнічная свечка, якую выраблялі сваімі рукамі. Кожны чалавек ведаў, што гэтая свечка дапаможа абараніць хату ад усялякай бяды.

У гэты пераломны дзень казалі: «На Грамніцы – паўзіміцы». Таму другая назва свята – Стрэчанне, што сімвалізавала сустрэчу Зімы і Лета.

У некаторых мясцінах хлопцы раскладвалі вогнішча, прыносілі дровы і старыя рэчы. Калі ўсё было падрыхтавана, прыходзілі дзяўчаты і пачыналі вадзіць карагоды, спяваць веснавыя песні

Таму запрашаем усіх ахвотных наведаць Беларускі дзяржаўны музей народнай архітэктуры і побыту, каб стаць часткай свята «Грамніцы».

Вас чакае:

• Расповед пра свята «Грамніцы»;
• Майстар-клас па вырабу грамнічнай свечкі;
• Майстар-класы па выцінанцы і скручаным паяскам;
• Абрадавыя дзеі з грамнічнай свечкай;
• Карагоды, песні і традыцыйныя танцы вакол вогнішча.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 12,50 руб.;
• студэнтаў вышэйшых устаноў адукацыі (студэнцкі білет) – 6,50 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 6,50 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.