Мерапрыемства «Дзень настаўніка-2022»

1 кастрычніка 2022 года

з 13.00 да 17.00

“Мы не адразу зразумеем,

Як цяжка ўзняць было б крыло

І ўзвіцца ўверх назло завеям,

Каб іх на свеце не было.”

Г.Бураўкін

У першую суботу кастрычніка ў Беларусі адзначаецца прафесійнае свята – Дзень настаўніка.

Настаўнік – гэта асоба, якая не толькі дае веды, але і вучыць верыць у свае сілы і спраўляцца з цяжкасцямі. Час імкліва бяжыць, а нам, былым вучням, пры сустрэчы здаецца, што настаўнікі не змяняюцца. Такая ж адкрытая ўсмешка, клапатлівы позірк і стос сшыткаў у руках. А з якім заміраннем сэрца прыгадваецца апошні званок і слёзы на вачах тваёй любімай настаўніцы…

Беларускі дзяржаўны музей народнай архітэктуры і побыту не абмінуў гэтае цёплае і радаснае свята!

Запрашаем вучняў і настаўнікаў правесці гэты дзень цікава і весела ў музеі пад адкрытым небам!

Вас чакае:

• Экскурсіі ў помніках драўлянага дойлідства;
• Захапляльныя майстар-класы;
• Караоке пад адкрытым небам;
• Музычная праграма;
• Традыцыйныя беларускія народныя танцы і гульні;
• Конкурсы і спаборніцтвы для самых кемлівых.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых –  12, 00 руб.;
• студэнтаў вышэйшых устаноў адукацыі (студэнцкі білет) –  8, 00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі –  5, 00 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?