Мерапрыемства

«Шляхамі вайны»

9 мая 2022 года

з 13.00 да 14.00

Ваенныя ліхалецці мінулага прыносілі цяжкія выпрабаванні жыхарам нашай краіны.

Смерці і разбурэнні прыходзілі раптоўна і назаўжды заставаліся ў памяці кожнага. Звыклае вясковае жыццё абрывалася. Зямля напаўнялася страхам і чужым болем, з усіх бакоў гучалі жалобныя рэкруцкія песні, жанчыны збіралі сваіх сыноў і мужоў у доўгі шлях…

9 мая ў Беларускім дзяржаўным музеі народнай архітэктуры і побыту можна далучыцца да мерапрыемства ў памяць пра тых, хто напрацягу стагоддзяў мужна абараняў сваю зямлю. Час Вялікай Айчынай вайны – яскравае сведчанне гэтага подзвіга, здзяйснёнага абаронцамі нашай краіны.

Вас чакае:

• Выстава «9 мая: лёс чалавека-лёс краіны» (помнік архітэктуры «Школа з вёскі Калодчына Вілейскага раёна». Увага: экскурсія по выставе будзе праходзіць з 12.00 да 13.00);
• Інсталяцыя «Дом з гета» (помнік архітэктуры «Дом з прадмесця Мінска з вуліцы Васкрасенскай»);
• Рэканструкцыя абрада «Провады ў войска»;
• Рэкруцкія песні;
• Расповед пра абракальныя традыцыі абароны вёскі;
• Экскурсія па помніках архітэктуры, дзе праходзілі здымкі ваенных кінастужак.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 8,50 руб.;
• студэнтаў вышэйшых устаноў адукацыі (студэнцкі білет) – 4,50 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 4,50 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.