Культурна-адукацыйнае мерапрыемства

«Велікодныя традыцыі»

8 красавіка 2018 года

з 14:00 да 15:00

Вялікдзень – вялікае вясновае свята, карані якога вядуць у глыбокую старажытнасць. Гэтым святам некалі адкрываўся новы каляндарны год. Пазней царква замацавала яго ў сваім «рухомым» пасхальным календары. Свята пачынаецца з «хрэснага хода» і «усяночнай», пасля чаго асвятлялі фарбаваныя яйкі, пірагі, мак і інш. Раніцай хадзілі глядзець на «гульню» сонца, гулялі фарбаванымі яйкамі «ў біткі», гушкаліся на арэлях, вадзілі карагоды.

Галоўным сімвалам Вялікадня з’яўляецца яйка, якое ўвасабляе народныя ўяўленні пра жыццё, сонца, абуджэння прыроды, перамогу жыцця над смерцю. Адной з асаблівасцей беларускага Вялікадня з'яўляецца хаджэнне валачобнікаў у ноч з першага на другі дзень свята. Сэнс абходу – пажаданні селяніну перад пачаткам палявых работ: плёну на ніве, прыплоду ў статку, добрага здароўя, шчаслівай долі ў сям’і.  

 У праграме мерапрыемства:

• Расповед пра традыцыйныя метады аздаблення велікодных яек;
• Майстар-клас па вырабу і ўпрыгожванню яек з цеста і яек з картона;
• Расповед пра Валачобны абрад;
• Валачобныя найгрышы на беларускай дудзе.

За дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея.

Запрашаем прыняць удзел у культурна-адукацыйным мерапрыемстве «Велікодныя традыцыі» на тэрыторыі музея!

Кошт квіткоў:

• для дарослых – 6.00 руб.;
• для дзяцей школьнага ўзросту –4.00 руб.;
• для дзяцей дашкольнага ўзросту – бясплатна.

 Экспазіцыя музея працуе з 11:00 да 19:00. Каса працуе з 11:00 да 18:30.

 Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.