Музейная акцыя

«Дзень роднай мовы»

20 лютага 2022 года 

з 13:00 да 15:00

Дзень роднай мовы – гэта свята, што прынята рашэннем 30-й сесіі Генеральнай канферэнцыі ЮНЕСКА ў лістападзе 1999 года і адзначаецца 21 лютага з 2000 года штогод з мэтай папулярызацыі моўнай і культурнай разнастайнасці кожнай краіны. Прапануем усім жадаючым правесці 20 лютага у Беларускім дзяржаўным музеі народнай архітэктуры і побыту цікава і пазнавальна!

Вас чакае:

• расповед пра традыцыйную музычную культуру ў Беларусі;
• бясплатная экскурсія па сектары «Цэнтральная Беларусь» на беларускай мове (група да 25 чалавек);
• загадкі і віктарына па матывах экскурсіі «Цэнтральная Беларусь»;
• беларускія танцы, гульні і забавы.

За дадатковую плату можна:

• набыць сувеніры ад народных майстроў у касе музея;
• замовіць экскурсію на беларускай мове па іншым сектарам;
• наведаць «Беларускую карчму», пачаставацца традыцыйнымі беларускімі стравамі.

Запрашаем прыняць удзел у музейнай акцыі «Дзень роднай мовы» на тэрыторыі музея!

Кошт квікоў:

• для дарослых – 8.50 руб.;
• для школьнікаў, студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі – 4.50 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.