11 і 13 жніўня 2023 года

з 13.00 да 14.00

Запрашаем спазнаць далёкія і блізкія закуткі музея пад адкрытым небам на ровары!

Вы зможаце праехаць па звілістых сцежках і крутых пагорках разам з навуковым супрацоўнікам і даведацца адразу пра тры экспазіцыйныя сектары нашага музея: «Цэнтральную Беларусь», «Падняпроўе», «Паазер’е».

Чакаем Вас ля касы Беларускага дзяржаўнага музея народнай архітэктуры і побыту са сваім роварам! Пракат ровараў на тэрыторыі музея адсутнічае.

Папярэдні запіс на роварную экскурсію па тэлефоне +375296978901.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 10,00 руб.;
• студэнтаў вышэйшых устаноў адукацыі (студэнцкі білет) – 5,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 5,00 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170С), Чыкі; маршрутнае таксі №1277, №1111, №1026.