Славянская міфалогія і народныя ўяўленні пра навакольны сусвет натхнялі і будуць натхняць творцаў і аўтараў. Яскравы прыклад – раман Анджэя Сапкоўскага «Вядзьмар». Запрашаем вас пазнаёміцца з вядзьмарамі – фэнтэзійнымі змаганцамі з нячысцікамі.

Вы зможаце на свае вочы пабачыць тэхнікі фехтавання вядзьмарскіх школ, узяць ў рукі меч і выпрабаваць свае сілы ў баі з майстрамі розных вядзьмарскіх цэхаў. Таксама вы даведаецеся, як бараніліся ад нячысцікаў беларускія сяляне, выкарыстоўваючы падручныя сродкі і моц слова.

Вас чакае:

• Знаёмства з вядзьмарскім клубам «Свая справа»;
• Майстар-клас па фехтаванні ад майстроў вядзьмарскіх цэхаў;
• Паглыбленне ў беларускія традыцыі абрадаў і замоў – дэманстрацыя абрадаў на ахову хаты ад нячысцікаў;
• Лучны цір (за дадатковую плату).

Пачатак мерапрыемства ў 18.00 каля шыльды перад уваходам на сектар «Центральная Беларусь».

Кошт квіткоў:

• для дарослых – 12, 00 руб.;
• для школьнікаў, студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі – 7,00 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка», каля аг. Азярцо.

Праезд ад аўтастанцыi «Паўднёва-Заходняя», прыпынку «Пятроўчына», «Малінаўка-6» ідуць прыгарадныя аўтобусы ў накірунках: Мiнск –Дубянцы, Заходнія могілкі (170Э), Чыкі (355), маршрутные таксі №1277, №1111, №1026; аўтобус №150.