Мерапрыемства «Багач»

25 верасня 2022 г.

З 14.00 да 15.30

Багач – свята, якое  заканчвала цыкл вырошчвання ўраджаю і было прымеркавана да дня восеньскага раўнадзенства. Да гэтага часу заканчваўся збор ураджаю. Як казалі ў народзе: «Багач заткнуў у страху рагач». Уся праца пераносілася на падворак, у гумно, ёўню, млын. Калі ўсё збожжа было намалочана, можна было аддзячыць Маці-Зямлі за добры ўраджай. Сама назва свята адсылае нас да багацця, дастатку і дабрабыту, які селянін атрымліваў пасля ўборкі ўраджаю.

На «Багач» усёй вёскай запаўнялі сявеньку намалочаным жытам, устаўлялі ў яе свячу і разам з ёй урачыста абыходзілі ўсю вёску, пасля чаго пакідалі на год у аднаго з гаспадароў. Гэтая сявянька (якая таксама называлася «багач») мусіла прыносіць вёсцы і гаспадару, у якога  «багач» захоўваўся, багацце і шчасце.

Вас чакае:

• Расповед аб традыцыях свята «Багач»;
• Урачысты абыход вёскі;
• Майстар-клас па малацьбе снапоў і правейванні зерня;
• Фальклорная праграма;
• Традыцыйныя гульні і танцы.

За дадатковую плату ў вас будзе магчымасць:

• наведаць «Беларускую карчму», якая знаходзіцца на тэрыторыі музея,
• набыць лепшыя сувеніры ад народных майстроў.

Кошт квіткоў:

• для дарослых – 10,00 руб.;
• для школьнікаў, студэнтаў вышэйшых устаноў адукацыі, навучэнцы прафесійна-тэхнічных, сярэдне спецыяльных устаноў адукацыі –  5,00 руб.;
• для дзяцей дашкольнага ўзросту – бясплатна.

Экспазіцыя музея працуе з 11.00 да 19.00. Каса працуе з 11.00 да 18.30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?