Сябры, у нас добрыя навіны — запрашаем на забег!

Забег пройдзе ў ноч з 13 на 14 жніўня па тэрыторыі беларускага скансэна (музея пад адкрытым небам). Маршрут пракладзем сярод самых прыгожых помнікаў драўлянага дойлідства — старажытных сядзіб, школ, цэркваў, млыноў, а яшчэ крыху па навакольных лугах і гаях, па абрывістых берагах вадасховішча Пціч.

Гэта будзе начны трэйл (бег па грунтавых дарожках і сцежках), але вельмі лёгкі падыдзе не толькі дасведчаным спартоўцам, але і аматарам, і пачаткоўцам.

Патрэбен толькі ліхтарык!

Мы рыхтуем тры «дарослыя» дыстанцыі — 5, 10, 21 км, плюс асобную паўтаракіламетровую трасу для дзяцей; найпадрабязную маркіроўку і частковае падсвятленне трасы; пункты харчавання і фінішны кісель; электронную адзнаку; медалі фінішэраў і многае іншае.

Усяго 4 км дарогі ад Мінска да вёскі Азярцо перанясуць вас у чароўную казку…

Рэгістрацыя, аплата, падрабязныя правілы, схема праезду, трэкі — усё на сайце ARF.BY. Каса музея для наведвальнікаў у дзень правядзення мерапрыемства працуе да 24.00 (квіткі пасля 19.00 – ільготныя).

#belarusmuseumrun #arfby #жуктрэйл #марафонналібокі#run #trail #minsk #sport #nature #бег #трэйл

Генеральны партнёр Belarus Museum Run — ААТ «ААБ Беларусбанк».

#беларусбанк @asb.belarusbank