Культурна-масавае мерапрыемства

«Дзень роднай мовы»

23 лютага 2019 года 

з 13:00 да 14:30

Дзень роднай мовы – гэта свята, што заснавана рашэннем 30-й сесіі Генеральнай канферэнцыі ЮНЕСКА ў лістападзе 1999 года і адзначаецца 21 лютага з 2000 года штогод з мэтай абароны моўнай і культурнай разнастайнасці. Прапануем усім жадаючым правесці гэты дзень у Беларускім дзяржаўным музеі народнай архітэктуры і побыту. Правядзі гэты дзень цікава і пазнавальна! Захоўвай мову, захоўвай традыцыю!

На мерапрыемстве запланавана:

• БЯСПЛАТНАЯ экскурсія па сектары «Падняпроўе» на беларускай мове;
• Конкурс на дэкламацыю любімых беларускіх вершаў;
• Віктарына, загадкі з прызамі;
• Прагляд мульфільмаў на беларускай мове для самых маленькіх наведвальнікаў;
• Беларускія танцы, гульні і забавы.

Падчас мерапрыемства за дадатковую плату можна:

• набыць сувеніры ад народных майстроў у касе музея;
• замовіць экскурсію на беларускай мове па іншым сектарам;
• наведаць «Беларускую карчму», пачаставацца традыцыйнымі беларускімі стравамі.

Запрашаем прыняць удзел у культурна-масавым  мерапрыемстве «Дзень роднай мовы» на тэрыторыі музея!

Кошт квіткоў:

• для дарослых – 6.50 руб.;
• для школьнікаў, студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі – 4.0 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.