Фотасправаздача

«Мерапрыемства «Багач»

22 верасня 2019 г.

22 верасня 2019 г.  у Беларускім дзяржаўным музеі народнай архітэктуры і побыту адбылося абрадавае мерапрыества “Багач”.

Багач – старажытнае свята ўраджаю, прымеркаванае да восеньскага раўнадзення. У гэты час падыходзілі да канцу ўсе палявыя працы, як казалі ў народзе: “Багач заткнуў у страху рагач”. Ураджай сабраны, і можна аддзячыць Маці-Зямлю. Сама назва свята адсылае нас да багацця, дастатку і дабрабыту, як выніку пільнай працы сялян.

На Багач усёй вёскай запаўнялі сявейку свежанамалочаным жытам, устаўлялі ў яе свячу і разам з ёй урачыста абыходзілі ўсю вёску, пасля чаго пакідалі на год у аднаго з гаспадароў. Багач мусіў прыносіць вёске і гаспадару, у якога заставаўся, дабрабыт, багацце і шчасце.