Першы ўкос – гэта спрадвеку вялікае свята для беларусаў, такое як Дажынкі альбо Спас. На першы ўкос збіраліся ўсёй вёскай на вялікую талаку. Талакой называлі працоўную ўзаемадапамогу пры выкананні найбольш працаёмкіх работ у гаспадарцы. Гэты калектыўны працоўны звычай – старажытны па сваім паходжанні і высакародны паводле характару дзейнасці. На талацэ, акрамя працы, людзі разам адпачывалі і спажывалі ежу, што таксама мела магічны сэнс. Сумеснае спажыванне кашы, якой частаваліся на полі, павінна было прынесці ўрадлівасць зямлі і дабрабыт чалавека, а таксама нагадвала пра прыналежнасць кожнага ўдзельніка талакі да агульнага калектыву. Частаванне напоямі сімвалізавала замаўленне вільгаці і плёну, паліванне вадой рук – забеспячэнне палеткаў вільгаццю. У час працы і на застоллі спявалі талочныя ці застольныя песні.
Беларускі дзяржаўны музей народнай архітэктуры і побыту запрасіў далучацца ўсіх жадаючых да незвычайнай традыцыі!
Дарагія наведвальнікі! 7 лістапада 2023 года Беларускі дзяржаўны музей народнай архітэктуры і...
23-24 ліпеня 2022 года
24.12.2015 Самае чароўнае свята ў самым чароўным месцы!
Дзень маці разам з Беларускім Скансэнам!