Мерапрыемства

«Майстар-класы ў беларускім скансэне»

23 кастрычніка 2021 года

З 13.00 да 14.30

Запрашаем правесці выхадны дзень ў Беларускім дзяржаўным музеі народнай архітэктуры і побыту і паўдзельнічаць у розных майстар-класах.

У вас з’явіцца магчымасць зрабіць сваімі рукамі розныя сувеніры на памяць.

А яшчэ на памяць застануцца прыгожыя фотаўспаміны аб цікавым баўленні часу ў непаўторнай атмасферы імкліва сыходзячай восеньскай залатой пары беларускага скансэна.

Вас чакае:

• майстар-клас па ляльцы-мотанцы (лічылася, што лялькі-абярэгі здольныя абараніць ад злых сіл, сурокаў, няшчасных выпадкаў і хвароб);
• майстар-клас па пляценню паяскоў (у старажытныя часы лічылі, што арнамент абярагаў ад зла, быў зваротам да багоў з просьбай аб спрыянні і абароне);
• майстар-клас па кавальству (выраб рэчаў утылітарнага і дэкаратыўна-прыкладнога прызначэння з металу шляхам гарачага ці халоднага кавання);
• майстар-клас «Падарункі восені» (упрыгожванне малюнкаў з дапамогай восеньскіх лісцяў).

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 7,00 руб.;
• студэнтаў вышэйшых устаноў адукацыі (студэнцкі білет) – 3,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 3,00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17.00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.