Фотасправаздача «Край беларускі, край самабытны...»
28.05.2016

У рамках Года культуры адміністрацыя Маскоўскага раёна г. Мінска і Беларускі дзяржаўны музей народнай архітэктуры і побыту запрашаюць жыхароў і гасцей сталіцы, прадстаўнікоў працоўных калектываў прадпрыемстваў, арганізацый і ўстаноў на фальклорнае свята «Край беларускі, край самабытны...», якое адбудзецца на тэрыторыі музея (Мінскі р-н, п. Азярцо).

На тэрыторыі музея вас чакаюць:

• некалькі тэматычных пляцовак, на якіх для ўсіх жадаючых будуць арганізаваны забавы, гульнi, імправізаваныя відовішчы, выстава твораў дэкаратыўна-прыкладнога мастацтва ўдзельнікаў раённага тура фестывалю народай творчасці “Сузор’е”;
• экскурсійныя праграмы па музеі;
• майстар-класы па выцінанцы і пляценнi паясоў;
• выстава-продаж сувенірных вырабаў;
• работа аб’ектаў гандлю, абсталяваныя месцы для адпачынку.

На галоўнай пляцоўцы адбудуцца:

• З 12:00 да 17:00 канцэрт лепшых фальклорных калектываў;
• З 13:30 да 14:30 выступленні ўдзельнікаў раённага тура фестывалю народай творчасці «Сузор’е», цэрымонія ўзнагароджання (16:30);

За дададковую плату вы будзеце мець магчымасць:

• убачыць свята з вышыні птушынага палёту падчас паветранай экскурсіі на верталёце;
• здзейсніць шпацыр на конях;
• пачаставацца стравамі нацыянальнай кухні ў «Беларускай карчме».

Кошт квіткоў:

80 000 руб. - для дарослых,

40 000 руб. - для вучняў,

зніжкі для іншых катэгорый наведвальнікаў.

Схему праезду глядзіце тут.