Бясплатная экскурсія

«Слуцкімі ваколіцамі»

2 мая 2022 года

з 15:00 да 16:00

Вёскі Случчыны здаўна былі адметны сваімі ўрадлівымі землямі і працавітымі жыхарамі. Менавіта ў ваколіцах Слуцка некалькі стагоддзяў кампактна пражывалі «выбранцы» – сяляне, якія неслі ваенную службу і вызваляліся ад усіх падаткаў і павіннасцей.

У музеі народнай архітэктуры і побыту ваколіцы Слуцка прадстаўлены такімі помнікамі драўлянай архітэктуры як гумно з в. Лучнікі, хата з в. Ісерна і хата з в. Агароднікі.

Падчас экскурсіі госці нашага музея зазірнуць у інтэр’еры помнікаў, перавезеных са Слуцкага раёна, даведаюцца пра рэгіянальныя асаблівасці будаўніцтва хатаў і мясцовага адзення, пабачаць архіўныя фотаздымкі «выбранцаў» і жыхароў слуцкіх вёсак.

А напрыканцы кожны зможа развучыць народную песню са Слуцкага раёна!

Збор групы ў 15:00 ля карта-схемы на ўваходзе ў экспазіцыйны сектар «Цэнтральная Беларусь».

Чакаем усіх неабыякавах і зацікаўленых на пазнавальную экскурсію пад адкрытым небам!

Вас чакае:

• Экскурсія па помніку архітэктуры «Гумно з в.Лучнікі Слуцкага раёна»;
• Экскурсія па помніку архітэктуры «Хата з в.Ісерна Слуцкага раёна»;
• Экскурсія па помніку архітэктуры «Хата з в.Агароднікі Слуцкага раёна»;
• Расповед пра гарбарнае рамяство (апрацоўка скуры);
• Паказ архіўных фотаздымкаў;
• Майстар-клас па вывучэнню народных песень Случчыны.

За дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 8,50 руб.;
• студэнтаў вышэйшых устаноў адукацыі (студэнцкі білет) – 4,50 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 4,50 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.