Запрашаем на вялікую сцэну музея! Лаўрэат Гран-Пры Мінскага абласнога фестывалю БелТІЗ «Бязмежныя таленты Беларусі-2023» тэатральная студыя «СКАРБ» УП «Святлопрыбор» пакажа камедыю «Баба Шанэль» па п'есе Мікалая Каляды ў пастаноўцы лаўрэата прэміі Міхася Лынькова — Сяргея Карбоўскага.

Гэта кранальны, смешны і адначасова глыбокі расповед аб бабулях, якія ўсім сэрцам шчыра кахаюць свой музычны калектыў. Яны захоўваюць яго ад чужынцаў, бо для іх гэта не проста ансамбль. Як кажуць самі гераіні, галоўнае — гэта натхненне, магчымасць спяваць разам, збірацца, гутарыць і падтрымліваць адзін аднаго.

У галоўных ролях:

Сяргей Карбоўскі, Таццяна Новікава, Марыя і Кацярына Скобелевы, Кацярына Більман, Сана Саліханава

Калі: 6 верасня 2026 года
Час: 14:00
Дзе: в. Азярцо, Музей народнай архітэкруры і побыту, вялікая сцэна музея

Чакаем усіх аматараў тэатра!