Абярэг – прадмет, якому людзі прыпісвалі магічныя ўласцівасці засцерагаць ад разнастайнага ліха, спрыяць дабрабыту ў жыцці і гаспадарцы. У якасці абярэга маглі выступаць як адмысловыя магічныя прадметы, так і некаторыя побытавыя рэчы, якія надзяляліся засцерагаючымі функцыямі дзякуючы сваім фізічным уласцівасцям. Так, любы востры прадмет мог быць выкарыстаны ў якасці абярэга, бо сваёй вастрынёй мог сімвалічна ўкалоць нячысціка.

На выставе вы зможаце дазнацца, пры дапамозе чаго сяляне абаранялі хату ад маланкі, як засцерагалі статак, якія рэдкія прыродныя з’явы, на думку чалавека, маглі прыносіць поспех.

Выстава будзе размешчана ў помніку архітэктуры “Царква з в. Логнавічы Клецкага раёна” ў перыяд з 5-га па 20-е верасня. Экскурсія па ёй адбудзецца 5 верасня ў 15.00.

Запрашаем усіх жадаючых да наведвання!