Мерапрыемства

«Трашчы, не трашчы – ужо прайшлі Вадохрышчы»

22 студзеня 2022 г.

з 14.00 да 15.30

Падчас Каляд вылучаліся тры найбуйнейшыя кропкі гэтага вялікага і па значнасці, і па працягласці свята – тры куцці. Апошняя куцця, названая Поснай ці Вадзяной, супадае са значным для вернікаў святам – Вадохрышчам. Святкуецца яно ў гонар Хрышчэння Ісуса Хрыста ў водах Іардана. Асабліва абаронныя і гаючыя якасці надаваліся ў гэты дзень вадзе, узятай з рэчак і крыніц. Вялікая роля адводзілася абаронным рытуалам, якія павінны былі засцерагчы дом і гаспадарку ад злога вока ды нячыстай сілы. Як і пад час Каляд, на Вадохрышча людзі варажылі, бо увесь Калядны перыяд лічыўся часам магічным, калі кожны меў магчымасць зазірнуць у сваю будучыню.

Вас чакае:

• Расповед пра хрысціянскія і народныя аспекты свята;
• Калядныя варожбы;
• Магчымасць вырабіць сваімі рукамі адмысловы святочны абярэг-крыж;
• Віктарына з падарункамі для актыўных удзельнікаў;
• Паказ відэа з абрадам “Праводзіны Калядаў”;
• Частаванне гарбатай з зёлак.

За дадатковую плату можна:

• набыць сувеніры ад народных майстроў у касе музея;
• наведаць «Беларускую карчму» і пачаставацца традыцыйнымі беларускімі стравамі.

Кошт квіткоў:

• для дарослых – 8.00 руб.;
• студэнтаў вышэйшых устаноў адукацыі (студэнцкі білет) – 4,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 4.0 руб.;
• для дзяцей дашкольнага ўзросту – бясплатна.

Экспазіцыя музея працуе з 10.00 да 17.00. Каса працуе з 10.00 да 16.30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.

Квіткі і сувеніры ў касе вы можаце набыць па безнаяўным і наяўным разліку.