+375 172905913 +375 175138610 museum@etna.by
Экспазіцыя працуе
11:00-19:00 (ср-вскр)
Каса працуе
11:00-18:30 (ср-вскр)
Фотасправаздача «Адкрыццё экспазіцыі «Кватэра-майстэрня мінскага краўца»
Галоўная Падзеі Фотасправаздача «Адкрыццё экспазіцыі «Кватэра-майстэрня мінскага краўца»
Фотасправаздача «Адкрыццё экспазіцыі «Кватэра-майстэрня мінскага краўца»
1786

Фотасправаздача

«Адкрыццё экспазіцыі «Кватэра-майстэрня мінскага краўца»

9 снежня 2021 года

Другая палова ХІХ ст. – час разгортвання навукова-тэхнічнай рэвалюцыі,  калі на эканамічную арэну выходзяць буйныя фабрыканты і буржуазія, як будучы палітычны апанент апошняй фарміруецца гарадскі пралетарыят. Разам з тым у Мінску жывуць і працуюць тысячы людзей, што зарабляюць на жыццё ручным трудом – кавалі, меднікі, краўцы, шаўцы, пекары, столяры, бондары і г.д. Рамесная вытворчасць працягвае існаваць ў форме цэхавай арганізацыі, вядомай ужо тры стагоддзі, хоць і перажывае заняпад. Капіталістычныя адносіны разбураюць архаічны цэхавы уклад.

Даўно мінулі слаўныя дні, калі атрымаць статус майстра было гонарам для мяшчаніна, а людзі рамесніцкіх прафесій складалі ядро насельніцтва сярэднявечнага горада. Сышоў рамантызм мінулай эпохі: каралеўскія прывілеі і цэхавыя статуты магдэбургскіх часоў былі заменены агульнадзяржаўным расійскім законам – «ремесленным уставом». Прыгожыя расшытыя харугвы, што меў кожны рамесніцкі цэх, з гонарам распраўляючы падчас сходкі майстроў, прыезду ў горад караля, пыліліся пад цяжарам прыходна-расходных кніг і бюракратычных папер.  Нязменнай заставалася толькі цяжкая ручная праца.

Нягледзячы на колькасны рост фабрык і заводаў, менавіта ручная вытворчасць задавальняла патрэбы гараджан і жыхароў ваколіц. Таму з агульным прыростам насельніцтва Мінска, расла і колькасць рамеснікаў, якая цягам другой паловы ХІХ ст. павялічылася ў два разы і ў пачатку ХХ ст. дасягала каля 6 тыс. чалавек. Асабліва шмат сярод іх было шаўцоў, краўцоў: забяспечанасць адзеннем і абуткам ва ўсе часы была адной з галоўных чалавечых патрэбаў.

Традыцыйна рамесніцтвам займаліся яўрэі. Так, па выніках перапісу 1897 г. сярод зафіксаваных у Мінску 4600 рамеснікаў, занятых у вырабе адзення 3500 належылі да яўрэйскай народнасці. Жыццё, побыт, заняткі гэтых людзей, уплеценыя ў гісторыю Мінска, фарміравалі сацыяльна-эканамічны, культурны, архітэктурны вобраз горада – звыклае асяроддзе губернскага горада, але зніклае назаўжды для сучасных мінакоў.

Журба аб страчаным гістарычным цэнтры менчукамі даўно пераўтворана ў спадчыну, што перадаецца ў рэдкіх фотаздымках, а ўсё болей у вобразах, што сілай уяўлення малююць іншы свет: вузкія вуліцы Замчышча, шчыльныя рады рамесніцкіх дамоў-майстэрняў, грукат малатка, роўны гул швейнай машынкі… Натхнёныя гэтымі вобразамі, да 45-годдзя музея, супрацоўнікі музея падрыхтавалі новую экспазіцыю – «Кватэра-майстэрня мінскага краўца».

Прыходзьце ў госці, каб пабачыць, як жыла маладая яўрэйская сям’я майстра-краўца ў к. ХІХ-пач. ХХ стст., пазнаёміцца з прадметамі гарадскога побыту, даведацца, як будаваліся прафесійныя адносіны паміж майстрам і вучнямі, пра сацыяльна-эканамічнае становішча і дабрабыт рамеснікаў напрыканцы існавання цэхавай традыцыі.

 

 
Чытайце таксама
Выстава “Хрыстос уваскрос на ўвесь свет!”
3607
Выстава “Хрыстос уваскрос на ўвесь свет!”

Чым адрозніваюцца крашанкі ад пісанак, якую рытуальную ежу ўжывалі нашы продкі, якая традыцыя...

Абрадавае мерапрыемства «Беларускае вяселле»
3368
Абрадавае мерапрыемства «Беларускае вяселле»

Музей запрашае да сябе маладых і прапануе адсвяткаваць нараджэнне новай сям'і.

Фотасправаздача «Юр’я»
3363
Фотасправаздача «Юр’я»

06.05.2018г. Абрадавае мерапрыемства «Юр’я» на тэрыторыі музея!

«Раство Хрыстова»
3711
«Раство Хрыстова»

07.01.з 13:30 да 15:00 адзначце з намі адно з найбольш радасных святаў народнага каляндара!