15 ліпеня 2023 г.

у 14.00

На вялікай сцэне музея лаўрэат Гран Пры Мінскага абласнога фестывалю БелТІЗ «Бязмежныя таленты Беларусі-2023» тэатральная студыя «СКАРБ» ААТ «Святлопрыбор» пакажа народную камедыю «Без Ягора будзе гора» па п'есе Васіля Ткачова, пастаўленую Лаўрэатам прэміям Міхася Лынькова - Сяргеем Карбоўскім.

Жывуць у бесперспектыўнай вёсцы Шкірдзюкі адзінокія людзі: былая настаўніца Наталля Паўлаўна і яе сяброўка Лізавета па мянушцы Акрошка, былая даярка, цяпер на пенсіі. А побач Ягор – былы калгаснік, зараз таксама на пенсіі. І задумаў Ягор ажаніцца... Пра свой план ён караценька расказаў паштарцы Вользе... Пра тое, як лепшыя сяброўкі сталі смяротнымі ворагамі, а дзед Ягор не дапусціў гарэму і даведаецца глядач, паглядзеўшы спектакль...

У галоўных ролях: Вольга Лукашэвіч, Ірына Чарэднічэнка, Барыс Падэра, Марына Нерушава, Зарына Лысенкава, Сяргей Карбоўскі.

Хочам паведаміць, што пастаянным наведвальнікам музея ўжо знаёмы гэты калектыў: у 2021 годзе на сцэнічнай пляцоўцы музея артысты паказвалі яўрэйскую камедыю «Пажаданне шчасця», а ў 2022 годзе імі была паказана гарадская камедыя беларускага драматурга Васіля Ткачова «Мужчына са шкоднымі звычкамі жадае пазнаёміцца».

Чакаем аматараў тэатра а 14 гадзіне 15 ліпеня 2023 года!

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 10,00 руб.;
• студэнтаў вышэйшых устаноў адукацыі (студэнцкі білет) – 5,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 5,00 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.
• Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170Э), Паварот да музея (150), Чыкі; маршрутнае таксі №1277, №1111, №1026.