20 ліпеня 2024 года

15:00 – 16:00

У беларускіх вёсках жніво пачыналася са свята, якое павінна было забяспечыць багаты ураджай. Жанчыны ў гэты святочны дзень першы раз выходзілі ў поле, спявалі песні, прасілі ў зямлі добрага ўраджаю. Каб залагодзіць зямлю, ёй прыносілі ў дар хлеб. Жнеі рабілі першы, зажыначны сноп, які потым прыносілі гаспадару. Ён ставіў яго на самае пачэснае месца ў хаце – красны кут. Там ён знаходзіўся на працягу ўсяго года.

Запрашаем наведаць Беларускі дзяржаўны музей народнай архітэктуры і побыту і паўдзельнічаць у абрадзе, які з’яўляецца неад’емнай часткай земляробчага календара беларусаў.

Вас чакае:

• Рэканструкцыя абрада «Зажынкі»;
• Майстар-клас па ўборцы ўраджаю сярпамі;
• Упрыгожванне снапоў;
• Майстар-клас па традацыйным беларускім танцам і гульням.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 12,00 руб.;
• студэнтаў вышэйшых устаноў адукацыі (студэнцкі білет) – 6,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 6,00 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.
• Экскурсіі ў дзень мерапрыемства праводзяцца толькі па папярэднім запісе.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №№1277,1111,1026.