24 студзеня 2026 года

13:00-14:00

«Шчодрык» – вечар з 13 на 14 студзеня, калі гаспадары гатуюць другую (багатую, шчодрую) куццю, якая з’яўлялася асноўнай стравай любага каляднага стала. Таксама вялікая ўвага надавалася варажбе, якой шмат займаліся незамужнія дзяўчаты, якія хацелі ведаць, што іх чакае ў наступным годзе.

І, канешне, гэтае свята суправаджалася абрадам «шчадравання», калі гурт шчадроўшчыкаў абыходзіў двары з песнямі-шчадроўкамі, у якіх услаўляліся гаспадар і гаспадыня.

Таму запрашаем усіх ахвотных прыняць удзел у свяце «Шчодрык».

Вас чакае:                                                                                                                                 

• Беларускія традыцыйныя майстар-класы;
• Калядныя варожбы;
• Лялечны тэатр «Батлейка»;
• Ценявы тэатр «Вяртэп»
• Беларускія танцы і гульні;
• Абрад «Шчадраванне».

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 13,00 руб.;
• студэнтаў вышэйшых устаноў адукацыі (студэнцкі білет) – 7,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 7,00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №№ 1111,1026.