“БЕЛАРУСКІ ДЗЯРЖАЎНЫ МУЗЕЙ

НАРОДНАЙ АРХІТЭКТУРЫ І ПОБЫТУ”

Інфармацыйны ліст

Паважаныя калегі!

Запрашаем Вас прыняць удзел у Міжнароднай навукова-практычнай канферэнцыі, прысвечанай 50-годдзю заснавання Беларускага дзяржаўнага музея народнай архітэктуры і побыту,

у кастрычніку 2026 года (дата канферэнцыі ўдакладняецца)

г.Мінск

"Памяць продкаў праз музейны свет (Мінулае, сучаснасць і будучыня музеяў пад адкрытым небам)”.

Канчатковы тэрмін прыёму заявак: 1 чэрвеня 2026 года.

Канчатковы тэрмін прыёму матэрыялаў для публікацыі: 1 чэрвеня 2026года.

Рабочыя мовы  канферэнцыі: беларуская, руская.

Мэта канферэнцыі – прыцягненне ўвагі даследчыкаў і спецыялістаў да праблем вывучэння, захавання і папулярызацыі гістарычнай і культурнай спадчыны; абмеркаванне актуальных праблем, асноўных тэндэнцый і перспектыў развіцця музеяў-скансэнаў ва ўмовах сучаснай соцыякультурнай прасторы.

Да ўдзелу ў канферэнцыі запрашаюцца: супрацоўнікі музеяў, спецыялісты навуковых устаноў і ўстаноў культуры.

Праблематыка і асноўныя накірункі работы канферэнцыі:

• Беларускі дзяржаўны музей народнай архітэктуры і побыту: гісторыя станаўлення, перспектывы развіцця;
• Праблемы захавання і рэстаўрацыі помнікаў драўлянага дойлідства і музейных калекцый;
• Вывучэнне музейных калекцый;
• Музеефікацыя помнікаў архітэктуры: абгрунтаванне выбару экспазіцыйнага абсталявання, абмежаванні і магчымасці ў выкарыстанні прасторы помніка;
• Экспазіцыйная работа;
• Экспедыцыйная дзейнасць: збор прадметаў музейнага значэння, фіксацыя, навуковая апрацоўка і мастацкая ацэнка аб’ектаў архітэктурнай спадчыны;
• Культурна-адукацыйная дзейнасць музеяў;
• Матэрыяльная і нематэрыяльная культурная спадчына ў этнаграфічных музеях;
• Маліналогія – новы напрамак вывучэння гісторыі млыновай справы;
• Роля маркетынгавых даследванняў у фарміраванні іміджу музея, уплыў тэндэнцый інфарматызацыі і глабалізацыі на работу музеяў-скансэнаў.

Рэгламент канферэнцыі:

Даклады - да 15 хвілін;

Пытанні, дыскуссіі, выступленні і паведамленні ў дыскусіях - да 5 хвілін.

Арганізатар: “Беларускі дзяржаўны музей народнай архітэктуры і побыту”.

Пражыванне, харчаванне і транспартныя выдаткі аплачваюць камандзіруючыя арганізацыі.

Патрабаванні да афармлення дакладаў:

1. Аб’ём пададзенага матэрыялу, разам з рэзюмэ, табліцамі, малюнкамі, дадаткамі і г.д. не павінен перавышаць 12 старонак машынапіснага тэксту.
2. На першым радку ў правым верхнім куце, шрыфт – паўтлусты курсіў, Times New Roman, 14 pt, указваюцца прозвішча, імя і імя па бацьку аўтара (цалкам).

На другім радку шрыфт – курсіў, Times New Roman, 12 pt, указваецца назва арганізацыі, якую прадстаўляе аўтар. На трэцім радку курсівам указваецца горад, краіна.

1. Загаловак артыкула: афармляецца вялікімі літарамі, шрыфт – паўтлусты, Times New Roman, 14 pt, інтэрвал – паўтарачны, выраўноўванне па цэнтры.
2. Перад асноўным тэкстам артыкула неабходна змясціць кароткую анатацыю (прыблізна 500 знакаў) і не больш за 5 ключавых слоў, 12 pt.
3. Патрабаванні да афармлення асноўнага тэксту:

• тып файла – Microsoft Word (*.rtf); 
• фармат старонкі: А4 (210х297 мм);
• арыентацыя кніжная;
• палі: злева – 3 см, зверху і знізу – 2 см;
• абзацны водступ – 1 см;
• тып шрыфта: Times New Roman;
• памер шрыфта -14 pt;
• міжрадковы інтэрвал – 1,5;
• выраўноўванне па шырыні;
• пераносы не ставіць.

1. Спасылкі на крыніцы літаратуры, якія былі выкарыстаны ў тэксце, даюцца ў квадратных дужках пасля згадвання ці цытавання згодна з нумарам, пад якім крыніца прыводзіцца ў спісе выкарыстаных крыніц.

Пры спасылцы на Інтэрнэт-рэсурсы неабходна ўказаць назву артыкула, назву сайта, электронны адрас рэсурсу і дату звароту да яго.

Спіс выкарыстаных крыніц падаецца пасля асноўнага тэксту.

1. У тэме ліста неабходна ўказаць “Памяць продкаў праз музейны свет (Мінулае, сучаснасць, і будучыня музеяў пад адкрытым небам)”.
2. У электронным варыянце заяўка і артыкул павінны быць у асобных файлах, названых па прозвішчу аўтара (напрыклад, Іваноў_заяўка.rtf; Іваноў_артыкул .rtf).
3. Заяўка і матэрыялы накіроўваюцца на паштовую скрынку museum@etna.by

Арганізацыйны ўзнос за ўдзел у канферэнцыі не прадугледжаны.

Узор афармлення матэрыялаў – у дадатку 1.

УМОВЫ ПРАДАСТАЎЛЕННЯ ДАКЛАДАЎ:

Заяўку на ўдзел у канферэнцыі неабходна падаць па электроннай пошце: museum@etna.by. ці даслаць па адрасе: 220073 г.Минск, вул. Кальварыйская, 25, к.613, не пазней за 1 чэрвеня 2026 года (уключна) з паметкай “Памяць продкаў праз музейны свет (Мінулае, сучаснасць, і будучыня музеяў пад адкрытым небам)”. Пасля 1 чэрвеня 2026 г. заяўкі прымацца НЕ будуць.

Тэкст дакладу неабходна даслаць па электроннай пошце: museum@etna.by не пазней за 1 ліпеня 2026 года (уключна). Пасля 1 ліпеня 2026 г. даклады прымацца НЕ будуць.

У межах канферэнцыі адбудуцца пасяджэнні секцый (тэматыка секцый будзе ўдакладнена па меры прыёму заявак).

КАНТАКТНАЯ ІНФАРМАЦЫЯ АРГАНІЗАТАРАЎ КАНФЕРЭНЦЫІ:

Мікула Яўген Іванавіч,  намеснік дырэктара 

тэл. (+375 17)  369-13-28;

Абрамчук Аляксей Уладзіміравіч, галоўны захавальнік

тэл.(+375 17)  290-59-13;

Мальгіна Марына Леанідаўна, вучоны сакратар

e-mail: museum@etna.by; тел. (+375 17) 369-13-43 

Аргкамітэт