+375 172905913 +375 175138610 museum@etna.by
Экспазіцыя працуе
11:00-19:00 (ср-вскр)
Каса працуе
11:00-18:30 (ср-вскр)
Свята «Даравальная нядзеля»
Галоўная Падзеі Свята «Даравальная нядзеля»
Свята «Даравальная нядзеля»
264

2 сакавіка 2025 года

з 13.00 да 15.30

 

Даравальная нядзеля, Запускі, Загавіны – апошні дзень Масленічнага тыдня, пасля якога пачынаўся Вялікі пост. Раней можна было пачуць такі выраз: “На Запусты сем разоў паесці, за тое, што сем нядзель пасціць нада”. Уся сям’я збіралася на багатую вячэру, запрашалі музыкаў, ладзілі танцы. Перад вячэрай гаспадар сядаў на покуці і прасіў прабачэнне ў сваіх “дзядоў” і ўсіх родных. Гэтаксама рабілі сыны, дочкі і гаспадыня. У некаторых рэгіёнах у гэты дзень рабілі пудзіла зімы і хадзілі з ім па вёсцы. Кожны мог навязаць на пудзіла стужкі, каб пазбавіцца ад усяго дрэннага.Запрашаем Вас далучыцца да традыцыйных абрадаў і вясёлых гулянняў у музеі пад адкрытым небам!

 

Вас чакае:

  • Рэканструкцыя абраду “Чырачка” (паводле веснавой загукальнай традыцыі ў в.Тонеж Лельчыцкага раёна);
  • Выступленне фальклорных гуртоў;
  • Масленічныя гульні і забавы;
  • Паказ лялечнага тэатра «Батлейка»;
  • Расповед па выставе кухоннага начыння для вырабу сыра і масла;
  • Майстар-класы;
  • Масленічны слуп з прызамі;
  • Карагоды, танцы і гульні ля вогнішча;
  • Спальванне пудзіла зімы - «Марэны».

 

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

 

Кошт квіткоў:

  • для дарослых – 18,00 руб.;
  • студэнтаў вышэйшых устаноў адукацыі (студэнцкі білет) – 12,00 руб.;
  • для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 10,00 руб.;
  • для дзяцей дашкольнага ўзросту – бясплатна.

 

Экспазіцыя музея працуе з 10:00 да 17.00. Каса працуе з 10:00 да 16:30.

 

Шаноўныя наведвальнікі!

  • Калі ласка, паклапаціцеся аб абутку і вопратцы згодна ўмоў надвор’я.
  • Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
  • На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.
  • Экскурсіі ў дзень мерапрыемства ажыццяўляюцца толькі па папярэднім запісе.

 

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170С), Паварот да музея (150), Чыкі; маршрутнае таксі №1111, №1026.

 

Чытайце таксама
Фотасправаздача "Вербная нядзеля"
4908
Фотасправаздача "Вербная нядзеля"

24.04(нядзеля), інтэрактыўнае традыцыйнае святкаванне Вербніцы.

Бясплатная экскурсія,  прымеркаваная да Дня Кастрычніцкай рэвалюцыі «Дарэвалюцыйная адукацыя на беларускай вёсцы»
539
Бясплатная экскурсія, прымеркаваная да Дня Кастрычніцкай рэвалюцыі «Дарэвалюцыйная адукацыя на беларускай вёсцы»

5 лістапада 2023 года з 13.00   Народныя вучылішчы, царкоўна-прыхадскія школы, школы...

ТОП 10 ПАДЗЕЙ Ў МУЗЕІ Ў 2020 ГОДЗЕ
1108
ТОП 10 ПАДЗЕЙ Ў МУЗЕІ Ў 2020 ГОДЗЕ

Прадстаўляем вам самае цікавае, што адбылося ў Беларускім дзяржаўным музеі архітэктуры і побыту...

Абрадавае мерапрыемства «Грамніцы»
2095
Абрадавае мерапрыемства «Грамніцы»

16.02.2019г. запрашаем прыняць удзел у абрадавым мерапрыемстве «Грамніцы» на тэрыторыі музея!