24 жніўня 2025 года

З 13:00 – 15.00

На тэрыторыі Беларускага дзяржаўнага музея народнай архітэктуры і побыту зноў ажыве эпоха адважных рыцараў і сярэднявечных традыцый! 24 жніўня ў музеі пад адкрытым небам зазвіняць мячы на паказальных баях, заспяваюць стрэлы на лучным стрэльбішчы, а ў рыцарскім лагеры Вы зможаце датыкнуцца да таямніц магіі і медыцыны сярэднявечча, а таксама зрабіць памятныя фотаздымкі на сярэднявечных фотазонах і даведацца больш пра эпоху рыцараў і цмокаў.

Чакаем Вас на свяце сярэднявечнай культуры пад адкрытым небам – падарожжа ў гісторыю пачынаецца тут.

Вас чакаюць:

• Паказальныя баі;
• Пляцоўка сярэднявечнай магіі і медыцыны;
• Выстава: “Забытыя рэчы: археалогія сярэднявечнага побыту””
• Лучны цір (за дадатковую плату);
• Фотазона “рыцарскі арсенал”;
• Майстар-клас па завязванню сярэднявечнага плата;
• Майстар-шоу па кавальскаму рамяству;
• Баі на мяккіх трэніровачных мячах (за дадатковую плату);
• Народныя танцы і гульні ў суправаджэнні жывой музыкі.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 13,00 руб.;
• студэнтаў вышэйшых устаноў адукацыі (студэнцкі білет) – 7,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 7,00 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 до 19:10. Каса працуе з 11:00 до 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170С), Чыкі; маршрутнае таксі №1277, №1111, №1026.