Свята 

«Шчодрык»

14 студзеня 2023 года 

з 13:00 да 14:00

Шчодрык або Шчодрая куцця – вечар з 13 на 14 студзеня, калі гаспадары гатуюць другую (багатую, шчодрую) куццю, бліны з верашчакай і смажанай каўбасой, крупнік.

Шмат часу на Шчодрык надавалі варажбе. Варажылі і дарослыя, і дзеці, а асабліва незамужнія дзяўчаты, якія хацелі даведацца, што іх чакае ў будучым годзе.

Абрад "шчадравання" вызначаўся абыходам двароў гуртом шчадроўнікаў, спевамі песень-шчадровак, услаўленнем гаспадара і гаспадыні.

На свяце Вы пабачыце рэканструкцыі традыцыйных абыходаў гуртамі "Этнасуполка" і "Скарбніца традыцый" на аснове экспедыцыйных звестак з Палесся!

Вас чакае:

• Рэканструкцыя традыцыйных абрадаў ад гуртоў "Этнасуполка" і "Скарбніца традыцый";
• Паказ ценявога тэатра "Вяртэп";
• Паказ лялечнага тэатра "Батлейка";
• Традыцыйныя калядныя варожбы;
• Зімовыя забавы і гульні;
• Беларускія народныя танцы;
• Майстар-клас па ўпрыгожваннях з саломы;
• Майстар-клас па выцінанцы.

За дадатковую плату можна:

• набыць сувеніры ад народных майстроў;
• наведаць Беларускую карчму, якая знаходзіцца на тэрыторыі музея.

Кошт квіткоў:

• для дарослых – 12 руб.;
• для школьнікаў, студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі – 6 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.