«Камяніца-2016»
10.09 (субота)

10 верасня адбудзецца восьмы штогадовы фолк-фестываль «Камяніца». Мерапрыемства адбудзецца пры падтрымцы ААТ «Банк БелВЭБ».

Першымі абвешчанымі артыстамі «Камяніцы 2016» сталі энергічныя ўкраінскія фолк-рокеры «Тарута», культавы расійскі этна-трансавы калектыў «Оле-Лукойе», сапраўдны беларускі рок-гурт «Re1ikt» і добра вядомы аматарам класічнага беларускага фолку ансамбль «Ветах» на чале з Вячаславам Калацэям.

Фолк-фестываль «Камяніца» ўпершыню адбыўся ў 2009 годзе і з таго часу стаў адным з галоўных мерапрыемстваў для ўсіх, хто цікавіцца беларускай нацыянальнай культурай – ад старых традыцый да сучасных інтэрпрэтацый, ад музыкі да рамёстваў і танцаў.

Таксама запрашаем рамеснікаў прыняць удзел у кірмашы вырабаў народнай культуры. Перавага аддаецца найбольш арыгінальным праектам, якія працуюць у беларускім кантэксце. Заяўкі неабходна адправіць да 25 жніўня на адрас kamianica2003@gmail.com з апісаннем, прыкладамі і кантактамі.

Квіткі на фэст з'явяцца ў продажы ў сярэдзіне жніўня.

Кошт квіткоў:

10,00 бел.руб. — дарослыя,

7,00 бел.руб. — студэнты,

5,00 бел.руб. — дзеці.