17 верасня 2025 года

14:00

7 чэрвеня 2021 года Прэзідэнт Рэспублікі Беларусь падпісаў Указ аб святкаванні Дня народнага адзінства, які адзначаецца штогод 17 верасня і з'яўляецца адным з галоўных дзяржаўных святаў у нашай краіне.

Гэта дата падкрэслівае пераемнасць пакаленняў, непахіснасць і самадастатковасць беларускай нацыі і дзяржаўнасці. Важна захоўваць адзінства і вернасць традыцыям, каб прымнажаць сучасныя дасягненні.

Да Дня народнага адзінства музей прымеркаваў экскурсію па  новаму архітэктурнаму аб’екту – хутару з в. Цімошкава Міёрскага р-на, які быў пабудаваны каля 1918 г.  Сцяпанам Лявонавічам Пішчулёнкам для сваёй вялікай сям’і, якая налічвала 10 чалавек. Помнік архітэктуры – адметны прыклад сялянскай сядзібы з незвязанымі пабудовамі. Уключае ў сябе вялікае жылое звяно з двума жылымі памяшканнямі і кухняй, комплекс хлявоў, клець, лазню. Хутар – адметны прыклад сядзібы, як узору сацыяльнага і маёмаснага становішча беларускіх сялян, сведчанне  знаходжання Заходняй Беларусі ў складзе  2-ой Рэчы Паспалитай.

У 1989 г. жылая і частка гаспадарчых пабудоў былі набыты музеем. Рамонтна-рэстаўрацыйныя работы на помніку архітэктуры былі праведзены ў 2024-2025 гг.

Прапануем усім ахвотным правесці гэты святочны дзень у Беларускім дзяржаўным музеі народнай архітэктуры і побыту і дакрануцца да гісторыі беларускага хутара.

Вас чакае:

• Экскурсія па помніку драўлянай архітэктуры – хутар з в. Цімошкава Міёрскага р-на.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 13,00 руб.;
• студэнтаў вышэйшых устаноў адукацыі (студэнцкі білет) – 7,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 7,00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 19:00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №№ 1111,1026.