23 верасня 2023 года

з 14.00 да 15.30

Багач – старадаўняе свята ўраджаю, прымеркаванае да дня восеньскага раўнадзенства.

Кожны дбайны гаспадар імкнуўся завяршыць уборку ўсіх сельскагаспадарчых культур з палёў і агародаў. Пасля гэтага пачыналася сяўба азімых, таму ў народзе казалі так: «Багач – кідай рагач, бяры сявеньку і сей памаленьку».

Адзін з самых урачыстых і кульмінацыйных момантаў свята – абыход двароў, накіраваны на дастатак і дабрабыт усёй сельскай грамады. З кожнага двара гаспадары прыносілі па жменьцы зерня і напаўнялі ім агульную сявеньку – багач. Гэты багач увасабляў багацце і ўраджайнасць жыхароў усёй вёскі.

Запрашаем і Вас далучыцца да нашага свята!

Вас чакае:

• Расповед пра традыцыі свята «Багач»;
• Урачысты абыход вёскі;
• Майстар-клас па малацьбе і правейванні зерня;
• Музейны эксклюзіў – дэманстрацыя працы малатарні;
• Традыцыйныя спевы;
• Народныя танцы і гульні.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 12,50 руб.;
• студэнтаў вышэйшых устаноў адукацыі (студэнцкі білет) – 7,50 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 7,50 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170Э), Паварот да музея (150), Чыкі; маршрутныя таксі №№1277, 1111, 1026.