Фотасправаздача «Абрадавае мерапрыемства

«Старажытнае Купалле»

23 чэрвеня 2018 года 

Купалле – старажытнае свята летняга сонцавароту,  уласцівае ўсім індаеўрапейскім народам. Самы даўгі дзень і самая кароткая ноч у годзе, час, калі містычнае было цесна знітавана з паўсядзённым. На Купалле збіралі зёлкі (лічылася, што менавіта ў гэты дзень яны набіраюць сваю моц), варажылі, шукалі містычную Папараць-кветку. 

Кульмінацыяй купальскіх гулянняў было вогнішча, якое распальвалі пры дапамозе “жывога агня” – агня, здабытага трэннем кавалкаў дрэва. Купальскае вогнішча ўвасабляла сабой Сонца на зямлі, таму валодала вялікімі ачышчальнымі і засцерагальнымі здатнасцямі. Праз яго скокалі, каб засцерагчыся ад разнастайнага ліха.