Фотасправаздача «Рок-фэст «Наш дзень»

30 чэрвеня 2018г.

30 чэрвеня на тэрыторыі Музея народнай архітэктуры і побыту пад Мінскам адбыўся новы рок-фестываль «Наш дзень», лайн-ап якога складаўся з 12 вядомых калектываў сучаснай беларускай рок-музыкі.

У фэсце ўзялі ўдзел: Volski, Dzieciuki, Akute, B:N:, «Дай дарогу!», Nizkiz, «Крама», The Superbullz, Neuro Dubel, Мутнаевока, Зміцер Вайцюшкевіч, Пётр Клюеў.

За інфармацыяй пра мерапрыемства можна сачыць на старонках у Facebook і VK.

– Беларуская фестывальная культура развіваецца, у афішы ўсё больш фэстаў з удзелам папулярных замежных артыстаў. Але трохі  крыўдна, што класныя беларускія музыкі часцяком застаюцца на другім плане. Мы хочам выправіць гэтую сітуацыю па прыкладзе суседніх краін, дзе даўно шмат фэстаў з акцэнтам на сваю музыку, – кажа адзін з арганізатараў мерапрыемства Уладзімір Плавінскі.