Фотасправаздача «Адзінаццаты міжнародны музычны

open-air фестываль

«Купальскае кола-ХІ»

21-23 чэрвеня 2019 года ў Музеі народнай архітэктуры і побыту пад Мінскам адбыўся Адзінаццаты міжнародны музычны open-air фестываль «Купальскае Кола-XI". 

«Купальскае Кола» — адзін з нешматлікiх беларускіх фестываляў, які масава падабаецца прыхільнікам роднай культуры. Фестываль прысвечаны старадаўняму народнаму святу — Купаллю, прымеркаванаму да дня летняга сонцастаяння, калі дасягаюць найвышэйшага росквіту жыватворчыя сілы зямлі. Як ніякае іншае, свята Купалле авеяна легендамі і міфамі, у яго абрадах цесна перапляліся старажытныя язычніцкія і хрысціянскія традыцыі, вераванні нашых продкаў. У традыцыях і абрадах Купалля яркім чынам раскрываецца душа беларускага народа.

У 2019 годзе падчас Адзінаццатага міжнароднага музычнага фестывалю «Купальскае Кола-ХI» гасцей і ўдзельнікаў чакала маса пляцовак і забаў, рэканструкцыя святкавання Купалля, а таксама маштабная канцэртная праграма.