Бясплатная экскурсія з інтэрактыўнымі элементамі

«Жахлівыя гісторыі» 

30 студзеня 2021

14:00-14:45          

Спакон вякоў няпросты лёс чалавека сустракаў шмат выпрабаванняў. Сярод паўсядзённага клопату ніхто не ведаў,  калі зноў прыйдзе час лiха. І тады быццам заходзіць неба за хмары, абрываюцца вясельныя песні, змаўкае дзіцячы смех. Смутак і жах ходзяць па вуліцах, заглядваюць у вокны людзей, якія пакутуюць. Вецер свішча сярод пакінутых хат, не чуваць суседскіх жартаў і сяброўскага рогату. Мор, вайна, голад. Смерць заўсёды была побач, нагадваючы кожнаму, што ніхто не вечны. Людзі яскрава адлюстроўвалі гэтае станаўленне да пераходу чалавека ў іншы свет у фальклоры. Няўзгоды зычайна тлумачыліся як промыслы розных нячысцікаў і дэманічных істот. І само станаўленне да смерці ў чалавека было іншае.         

Але не гледзячы на ўсе перашкоды, людзі заўсёды знаходзілі ў сабе імкненне да жыцця, пераадольвалі ўсе няўзгоды... І вёска зноў адраджалася. І кожны раз людзі сустракалі новае лета, працавалі ў полі, гадавалі жывёлу, расцілі дзяцей, святкавалі святы і жыццё працягвалася зноў.          

Запрашаем вас апынуцца  ў атмасферы “змрочных” часоў старажытнай беларускай  вёскі і адрадзіцца зноў праз песні, жарты, смех. У нашым невялічкім анімаваным прадстаўленні вы ўбачыце карагод нячысцікаў і анімаваных персанажаў!           

Вас чакае:·        

• атмасфера “змрочнага” часу (беларуская веска XVIII-XIX ст.);·        
• жалобныя спевы;·        
• расповед пра эпідэміі, голад і іншыя турботы ў гісторыі нашых продкаў;·        
• дэманічныя істоты і нячысцікі;·        
• знаёмства з міфалогіяй пазажыццёвага свету;·        
• абрад-замыканне вёскі ад ліха з дапамогай рушніка-абыдзённіка. 

Кошт квіткоў:       

• для дарослых – 8 руб.;
• для школьнікаў, студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі – 4,00 руб.;
• для дзяцей дашкольнага ўзросту – бясплатна. 

Экспазіцыя музея працуе з 10:00 да 17:00. Каса працуе з 10:00 да 16:30. 

Шаноўныя наведвальнікі!  

Калі ласка, паклапаціцеся пра абутак і вопратку згодна з умовамі надвор’я.  Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.