5 і 7 студзеня 2024 года

14:00

Запрашаем Вас правесці першыя цудоўныя дзянькі Новага года ў музеі пад адкрытым небам!

Толькі 5 і 7 студзеня Вы зможаце паглыбіцца ў таямніцу нараджэння Ісуса Хрыста праз традыцыйны лялечны тэатр «Батлейка».

Расповед пра калядныя традыцыі нашых продкаў і паказ ценявога тэатра «Вяртэп» напоўніць святочныя дні радасцю і весялосцю!

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 10,50 руб.;
• студэнтаў вышэйшых устаноў адукацыі (студэнцкі білет) – 5,50 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 5,50 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17.00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170С), Чыкі; гарадскі аўтобус№150; маршрутныя таксі №№ 1277, 1111, 1026.