30 жніўня 2025 года

16:00

У Беларусі шырока святкавалі Яблычны Спас і Макавей. Пра святкаванне Хлебнага Спасу на Беларусі вядома мала. У некаторых месцах у гэты дзень спраўлялі Дажынкі — свята канца жніва. Вядомы такія прыказкі: «Трэці Спас хлеба прыпас», «Па Трэцім Спасе трымай рукавіцы ў запасе». У некаторых раёнах гэты дзень называюць яшчэ Арэхавым Спасам, бо раней у царкве асвячалі арэхі, якія нарыхтоўвалі людзі.

Запрашаем усіх жадаючых наведаць у гэты святочны дзень Беларускі дзяржаўны музей народнай архітэктуры і побыту, дзе Вы зможаце даведацца пра асаблівасці святкавання Хлебнага Спасу, прайсціся з экскурсіяй па помніках драўдянага дойлідства, якія звязаны з апрацоўкай зерня, а таксама паўдзельнічаць у народных танцах.

Вас чакае:

• Расповед пра гісторыю свята;
• Экскурсія па помніках драўлянага дойлідства: гумно з в. Лучнікі Слуцкага р-на, грамадскі свіран з в. Касарычы Глускага р-на, млын з в. Даматканавічы Клецкага р-на;
• Народныя танцы і гульні.

За дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 13 руб.;
• студэнтаў вышэйшых устаноў адукацыі (студэнцкі білет) – 7 руб.; 
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 7 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.

Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №1111,1026.