Музейнае мерапрыемства

«Ад сініх кветак да кашуль дзетак»

1 мая 2021 года

з 13:00 да 14:00

З даўніх часоў лён займаў асаблівае месца ў жыцці беларусаў. Далікатныя блакітныя кветкі нашы продкі ператваралі ў бліскучыя рушнікі, ўзорыстыя абрусы, кашулі і фартухі. Можна толькі здагадвацца, колькі працы і высілкаў было ўкладзена ў стварэнне гэтых рэчаў. Таму мы вырашылі паказаць, з чаго пачынаецца доўгае падарожжа маленькай кветкі лёну і як яна ператвараецца ў палатно.           

Прапануем вам наведаць серыю этна-сустрэч у музеі пад адкрытым небам. На першым занятку вы зразумееце, як апрацоўвалі зямлю і сеялі лён, даведаецеся, якія абрады выконвалі для забеспячэння добрага ўраджаю, а таксама паслухаеце традыцыйныя беларускія песні.           

Наступныя этна-сустрэчы будуць прысвечаны догляду, збору і перапрацоўцы лёну. Сачыце за навінамі! 

       Вас чакае:

• традыцыйная апрацоўка глебы з дапамогай бараны;
• пасеў ільна з земляробчымі абрадамі;
• экскурсія па выставе «Беларускі лён»;
• традыцыйныя беларускія спевы.

Падчас мерапрыемства за дадатковую плату можна:

• набыць сувеніры ад народных майстроў у касе музея;
• палятаць на мотадэльтаплане (пры добрым надвор’і);
• наведаць «Беларускую карчму», якая знаходзіцца на тэррыторыі музея;

Запрашаем прыняць удзел у мерапрыемстве «Ад сініх кветак да кашуль дзетак» на тэрыторыі музея!

Кошт квіткоў:

• для дарослых – 8.0 руб.;
• студэнтаў вышэйшых устаноў адукацыі (студэнцкі білет) – 4.00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 4.00 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.

Квіткі і сувеніры ў касе вы можаце набыць па безнаяўным і наяўным разліку.

• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.