Акцыя «Цуд на Каляды»

5 і 7 студзеня 2022 года 

з 14:00 да 15:00

Дарагія сябры, надыходзяць чароўныя калядныя дні! Мы чакаем ад іх нейкага цуда, марым пра здзяйсненне жаданняў. Запрашаем Вас наведаць Беларускі дзяржаўны музей народнай архітэктуры і побыту, каб больш даведацца пра традыцыю святкавання Каляд.

Мы хочам зрабіць падарунак для ўсіх нашых гасцей напярэдадні Божага нараджэння. Можна будзе здзейсніць бясплатную экскурсію (аплачваецца толькі ўваходны квіток у музей) па 3 помнікам архітэктуры, якія знаходзяцца ў музеі.

Вы пачуеце расповед пра помнікі драўлянага дойлідства (капліца з в. Каралеўцы Вілейскага раёна Мінскай вобласці, Пакроўская царква з вёскі Логнавічы Клецкага раёна Мінскай вобласці, Свята-Праабражэнская царква з вёскі Барань Аршанскага раёна Віцебскай вобласці).

Кошт квіткоў:

• для дарослых – 8,00 руб.;
• для школьнікаў, студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі – 4,00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.