Абрадавае мерапрыемства

«Зажынкі»

1 жніўня 2021 года

з 15.00 да 16.00

Калі ідзеш па музейнай вёсцы і выходзіш на пшанічнае поле, як быццам выпадаеш з рэальнасці. Зямля, неба, каласы, хаткі, цэрквы, капличкі, млыны – такія ж, як і сто гадоў таму.

У музеі па-асабліваму адчуваецца гэтая сувязь з продкамі, што ідзе з глыбіні стагоддзяў. Запрашаем усіх жадаючых далучыцца да абрадавага мерапрыемства «Зажынкі». Вы пабачыце рэканструкцыю абрада, звязанага з уборкай ураджаю, пачуеце традыцыйныя песні і зможаце паўдзельнічаць у майстар-класе па традыцыйным танцам і гульням.

У зажынкавых абрадах і звычаях яскрава бачны элементы земляробчай магіі, заклінанняў, у якіх адлюстравана пашана селяніна да хлеба. У першы выхад на ніву нажыналі невялікі снапок жыта, які называлі Гаспадаром, яму прыпісвалі магічныя здольнасці, таму ўсяляк ушаноўвалі: ўпрыгожвалі чырвонай стужкай, неслі дахаты і ставілі на покуць, зерне з яго замешвалі ў абрадавыя стравы, насенне, магічнае пітво.

Вас чакае:

• абрад «Зажынкі»;
• упрыгожванне снапа-гаспадара;
• майстар-клас па беларускім танцам і гульням.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Запрашаем Вас прыняць удзел у абрадавым мерапрыемстве «Зажынкі» на тэрыторыі музея!

Кошт квіткоў:

• для дарослых – 8.00 руб.;
• студэнтаў вышэйшых устаноў адукацыі (студэнцкі білет) – 4,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 4,00 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.