+375 172905913 +375 175138610 museum@etna.by
Экспазіцыя працуе
11:00-19:00 (ср-вскр)
Каса працуе
11:00-18:30 (ср-вскр)
Фальклорнае свята «Камаедзіца»
Галоўная Падзеі Фальклорнае свята «Камаедзіца»
Фальклорнае свята  «Камаедзіца»
985

Фальклорнае свята

«Камаедзіца»

2 красавіка 2022 года

з 15.00 да 16.00

«Камаедзіца» – старадаўняе свята шанавання мядзведзя.

У гэты дзень нашыя продкі імкнуліся ўлагодзіць і задобрыць махнатага звера. Зранку гатавалі любімыя стравы мядзведзя: гарохавую кашу, сушаную рэпу і аўсяны кісель. А пасля абеду качаліся на зямлі і імітавалі звычкі асілка беларускіх лясоў .

На нашым свяце вы пачуеце паданні і казкі пра мядзведзя, даведаецеся як атрымлівалі мёд – любімы ласунак жывёлы, пагуляеце ў вясёлыя гульні, развучыце беларускія традыцыйныя танцы і зробіце сэлфі з мішкай!   

Вас чакае:

  • экскурсія па выставе «Пчалярства на Беларусі»;
  • размалёўкі для самых маленькіх па тэме бортніцтва;
  • расповед традыцыйных беларускіх казак, паданняў пра мядзведзя;
  • беларускія народныя гульні і забавы;
  • народныя песні з узгадкамі пра мядзведзяў;
  • майстар-клас па беларускім народным танцам;
  • віктарына з падарункамі;
  • абрад паднашэння мядзведзю!

За дадатковую плату можна:

  • набыць сувеніры ад народных майстроў;
  • наведаць «Беларускую карчму», якая знаходзіцца на тэрыторыі музея.

Кошт квіткоў:

  • для дарослых – 8,50 руб.;
  • студэнтаў вышэйшых устаноў адукацыі (студэнцкі білет) – 4,50 руб.;
  • для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 4,50 руб.;
  • для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да 18:30.

Шаноўныя наведвальнікі!

  • Калі ласка, паклапаціцеся аб абутку і вопратцы згодна ўмоў надвор’я.
  • Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
  • На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.
Чытайце таксама
Музейная акцыя  «Дзень роднай мовы»
1212
Музейная акцыя «Дзень роднай мовы»

21 лютага 2021 года запрашаем прыняць удзел у музейнай акцыі «Дзень роднай мовы» на тэрыторыі м...

Свята  «Купалле» («У нас сягоння Купалачка»)
279
Свята «Купалле» («У нас сягоння Купалачка»)

Свята ў гонар летняга сонцавароту – адзін з галоўных рытуалаў нашых продкаў. Гэта незвычайны...

Мерапрыемства  «Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь»
567
Мерапрыемства «Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь»

Кожная сучасная дзяржава мае свае сімвалы, якія выказваюць яе палітычную самастойнасць і...