29 сакавіка 2026 года

З 13:00 да 14:00

Кавальская справа – гэта адно са старажытнейшых рамёстваў, вядомых чалавецтву. Стаць кавалём было не так проста, бо  навучанне гэтаму майстэрству  працягвалася ад 3 да 7 гадоў. Наша музейная вёсачка мае пэўнае дачыненне да кавальскай справы і асобе каваля праз кузню з в. Клочкава Маладзечынскага раёна.

Будынак кузні ў традыцыйнай беларускай вёсцы стаяў на ўскрайку вёскі, пры дарозе. Навокал яго заўсёды быў чуваць грукат кавадлы і лязгат металу – менавіта там нараджаліся неабходныя ў сялянскім побыце вырабы: падковы, сярпы, нажы, сякеры і малаткі. З глыбокай павагай адносіліся да каваля людзі, лічылі яго волатам, у якога рукі ў золаце. Пра кавалёў у народзе казалі так: “У каваля, што не стук – то грыўня”. Але пры гэтым да кавалёў ставіліся з пэўнай асцярогай, бо меркавалі, што яны з нячыстай сілай водзяцца!

Таму запрашаем усіх ахвотных у гэты веснавы дзень наведаць Беларускі дзяржаўны музей народнай архітэктуры побыту, каб дакрануцца да прамысловай гісторыі беларусаў.

Вас чакае:                                                                        

• Расповед пра кавальскае рамяство;
• Экскурсія па помніку - кузня з в.Клачкава;

За дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 16 руб.;
• студэнтаў вышэйшых устаноў адукацыі (студэнцкі білет) – 8 руб.; 
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 8 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.

Квіткі і сувеніры ў касе вы можаце набыць па безнаяўным і наяўным разліку.