Экскурсія выхаднога дня

31 сакавіка 2018 года

У  13:00 і 14:00

 31 сакавіка ў 13:00 і 14:00 Вашай увазе будзе прэзэнтавана зборная камбінаваная экскурсія па экспазіцыйнаму сектару «Цэнтральная Беларусь» па смешнаму кошту (замест 15,00 руб. – 5,00 руб.) + бонус (наведванне  выставы на экспазіцыйным сектары «Паазер’е» - «Гоніць гэблік стружку залатую», якая працуе ў помніку народнай архітэктуры «Гумно з в. Кемянцы Браслаўскага раёна» і прысвечана традыцыйным дрэваапрацоўчым рамёствам на Беларусі.

У экспазіцыі можна пазнаёміцца з прыладамі цяслярства, сталярства, бондарства, стальмашства, убачыць самаробныя такарныя станкі і варштаты, даведацца аб традыцыях выкарыстання той ці іншай пароды драўніны.

Пасля наведвання выставы Вы будзеце ведаць, як складана вырабіць такую простую рэч, як кола і чым шпунтубель адрозніваецца ад фальцгэбеля і зензубеля.          

Увага! Раім паклапаціцца аб абутку: сышоў снег і дарога да сектара «Паазер’е» выглядае па-вясковаму бруднай.

Кошт квіткоў:

• для дарослых – 6.00 руб.;
• для дзяцей школьнага ўзросту –4.00 руб.;
• для дзяцей дашкольнага ўзросту – бясплатна.

 Экспазіцыя музея працуе з 11:00 да 19:00. Каса працуе з 11:00 да 18:30.