+375 172905913 +375 175138610 museum@etna.by
Экспазіцыя працуе
11:00-19:00 (ср-вскр)
Каса працуе
11:00-18:30 (ср-вскр)
Запрашаем на зімовыя экскурсіі ў Беларускі скансэн
Галоўная Падзеі Запрашаем на зімовыя экскурсіі ў Беларускі скансэн
Запрашаем на зімовыя экскурсіі ў Беларускі скансэн
2913

Запрашаем на зімовыя экскурсіі ў Беларускі скансэн

Абрадавае мерапрыемства «Каляды»

Снежань-студзень, 90 хв., да 25 чалавек. Кошт для групы 63,00 

Забаўляльная і дынамічная праграма ў асяроддзі надзвычай прыгожых пейзажаў музея пад адкрытым небам. Мерапрыемства ў інтэрактыўнай форме пазнаёміць з беларускімі традыцыямі галоўнага зімовага свята. Каляды ў музеі - гэта магчымасць даведацца пра галоўныя сімвалы свята, паўдзельнічаць у абрадзе «Калядоўшчыкі», павадзіць казу і мядзведзя, праспяваць пад беларускую дуду калядныя песні, паваражыць на будучыню з Зяляркай, паспрабаваць традыцыйнаю страву святочнага стала - куццю.

Экскурсійнае абслугоўванне з інтэрактыўнымі элементамі «Прыгоды ў краіне Зюзі»

Снежань-студзень, 100 хв., да 25 чалавек. Кошт для групы 125,00 

На зімовую экскурсію «Прыгоды ў краіне Зюзі» запрашаюцца школьнікі (1-6 клас). Сама Завея правядзе дзяцей у казачны свет Зюзі, дзе шмат прыгод, загадак і гульняў. Наведвальнікі апынуцца ў казцы з таямнічай Зяляркай, адкажуць на заблытаныя пытанні Цмока і убачаць яго агністае шоў. Удзельнікі дапамогуць вярнуць Зюзе яго зімовую сілу, заключаную у посаху, які скрала злая Баба Яга. Зюзя пачастуе гарбатай* і запросіць гасцей паўдзельнічаць у традыцыйных зімовых гульнях.

Экскурсійнае абслугоўванне з інтэрактыўнымі элементамі «Дзівосны свет народнай фантазіі»

Лістапад-люты, 90 хв., да 25 чалавек. Кошт для групы 33,50 

Знаёмства дзяцей і дарослых з персанажамі беларускай міфалогіі і жыхарамі незвычайнай вёскі адбудзецца падчас экскурсіі «Дзівосны свет народнай фантазіі». Наведвальнікі сустрэнуцца з Хатнікам, Жыжалем, Мельнікам, Зяляркай і іншымі персанажамі. Кульмінацыяй падарожжа будзе карагод і жывая народная музыка.

Дадаткова аплачваецца ўваходны квіток для кожнага ўдзельніка праграмы.
Кошт квітка: 5,00 руб. — дарослыя, 2,50 руб. — дзеці.
Для групы дзяцей на кожныя 10 чалавек 1 суправаджальны дарослы — бясплатна.

Магчыма адначасовае абслугоўванне некалькіх груп па адной праграме.

* Пачастунак аплачваецца асобна ў карчме.

На тэрыторыі музея працуе карчма.

Чытайце таксама
Канферэнцыя "Традыцыі мінулага як фундамент будучыні"
383
Канферэнцыя "Традыцыі мінулага як фундамент будучыні"

3 мая 2023 года адбылася першая міжнародная канферэнцыя "Традыцыі мінулага як фундамент...

Прафесійнае свята «Дзень настаўніка»
1399
Прафесійнае свята «Дзень настаўніка»

03.10.2020 г. запрашаем прыняць удзел у прафесійным свяце «Дзень настаўніка» на тэрыторыі музея...

Топ-10 падзей у музеі ў 2021 годзе
1169
Топ-10 падзей у музеі ў 2021 годзе

Адыходзячы год аказаўся багаты на значныя падзеі для нашага музея, таму мы вырашылі падзяліцца ...

Свята  «Стрэчаньскія Дзяды»
131
Свята «Стрэчаньскія Дзяды»

На дзевятым перадвелікодным тыдні, у суботу, калі, згодна з праваслаўным календаром, адбываюцца...