Да ўвагі спецыялістам: архітэктарам, рэстаўратарам, майстрам па дрэве, а таксама ўсім неабыякавым да праблемы захавання драўлянай архітэктурнай спадчыны! Беларускі дзяржаўны музей народнай архітэктуры і побыту запрашае да ўдзелу ў круглым стале:

РЭСТАЎРАЦЫЯ ПОМНІКАЎ ДРАЎЛЯНАЙ АРХІТЭКТУРЫ: РАСПРАЦОЎКА МЕТАДАЛОГІІ, АСНОЎНАЯ ПРАБЛЕМАТЫКА.

11 верасня ў 12.00

ПРАПАНУЕМ НАСТУПНЫЯ ПЫТАННІ ДА РАЗГЛЯДУ:

• рэстаўрацыя ці рамонт пабудоў з дрэва: пошук кампрамісу ва ўмовах абмежаванасці прапановы ад кваліфікаваных майстроў-рэстаўратараў;
• досвед працы з вапнай, глінай. Асноўныя патрабаванні да характарыстык сыравіны;
• «другое жыццё» драўляных канструкцый. Вопыт захавання аўтэнтычных дэталяў;
• мэтазгоднасць выкарыстання традыцыйных тэхнік апрацоўкі драўніны ў рэстаўрацыі;
• - біяпашкоджанні драўніны: сімптаматыка, спосабы лячэння, прафілактыка захворванняў. Традыцыйныя і сучасныя спосабы абароны дрэва ад гніення, шкоднікаў, дамавога грыба. Вопыт выкарыстання спецыялізаваных прэпаратаў, рэцэпты бюджэтных аналагаў.

МЕСЦА ПРАВЯДЗЕННЯ: тэрыторыя Беларускага дзяржаўнага музея народнай архітэктуры і побыту. 11 верасня ў 12.00

Заяўкі на ўдзел у круглым стале, калі ласка, дасылайце на адрас ivanavml80@gmail.com да 1 верасня.

Тэлефон для даведак: +375292429555

Калі ў Вас ёсць жаданне выказацца ў адзначаным дыскурсе, ці Вы прагнеце падзяліцца ўласным досвідам у пытаннях рэстаўрацыі і захавання драўлянай архітэктуры, у лісце адзначце тэму свайго выступлення.