14 кастрычніка 2023 года

з 14.00 да 15.00

«Прыйшлі Пакровы – равуць дзеўкі як каровы» – так казалі ў народзе 14 кастрычніка. Менавіта з гэтага часу пачынаўся самы спрыяльны перыяд для вяселляў. Уся цяжкая сельскагаспадарчая праца ў полі завяршалася, а на сталах з’яўляўся багаты ўраджай.

Гаспадары ў гэты дзень абавязкова назіралі за надвор’ем. Калі на Пакровы цёпла, то і зіма будзе цёплай.

Запрашаем наведаць Беларускі дзяржаўны музей народнай архітэктуры і побыту, каб пабачыць традыцыйныя абрадавыя дзеі, пачуць восеньскія і вясельныя песні, найгрышы на музычных інструментах!

Вас чакае:

• Музычная праграма;
• Абрад «Сватанне»;
• Абрад «Выправаджэнне ў войска»;
• Кірмаш ад народных майстроў;
• Майстар-класы;
• Традыцыйныя танцы і гульні.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 12 руб.;
• студэнтаў вышэйшых устаноў адукацыі (студэнцкі білет) – 6 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 6 руб.;
• для дзяцей дашкольнага ўзросту – бясплатна.
• для дарослых (у рамках акцыі «У музей усёй сям'ёй») - 7,20 руб.;
• для дзяцей (у рамках акцыі «У музей усёй сям'ёй») - 3,60 руб.;
• шматдзетныя сем'і – на бязвыплатнай аснове пры прад'яўленні пацвярджальнага дакумента (акцыя «У музей усёй сям'ёй», мерапрыемства, прысвечанае Дню маці і Тыдню бацькоўскага кахання). 

Экспазіцыя музея працуе з 10:00 да 17.00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170Э), Паварот да музея (150), Чыкі; маршрутнае таксі №1277, 1026, 1111.