19 снежня – свята Мiколы зiмовага па праваслаўным календары. У некаторых вёсках Усходняй Беларусі ў гэты дзень адбываецца абрад пераносу свячы.

“Свяча” – гэта комплекс рытуальных прадметаў, які складаецца са свечкі, абраза і ручніка, якім пакрыты абраз. Звычайна пераносіцца кожны год у новую хату. Мікольская свяча з’яўляецца праявай культу Святога Мікалая. Свечку аддавалі на захаванне таму, хто сутыкнуўся са складанымі абставінамі

Запрашаем усіх жадаючых далучыцца да народных традыцый у музеі пад адкрытым небам!

Вас чакае:

• Расповед аб традыцыі ў помніку архітэктуры “Свята-Пакроўская царква з в. Логнавічы Клецкага раёна”;
• Майстар-клас па вырабу «свеч», «паяскоў з нітак»;
• Рэканструкцыя абраду пераносу «свячы».

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 12.00 руб.;
• студэнтаў вышэйшых устаноў адукацыі (студэнцкі білет) – 6.00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 6.00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17.00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170Э), Паварот да музея (150), Чыкі; маршрутнае таксі №1277, №1111, №1026.