+375 172905913 +375 175138610 museum@etna.by
Экспазіцыя працуе
11:00-19:00 (ср-вскр)
Каса працуе
11:00-18:30 (ср-вскр)
Свята «Купалле» з гуртом «Варгін»
Галоўная Падзеі Свята «Купалле» з гуртом «Варгін»
Свята  «Купалле» з гуртом «Варгін»
1096

8 ліпеня 2023 года

з 18.00 да 21.00

 

Свята ў гонар летняга сонцавароту – адзін з галоўных рытуалаў нашых продкаў. Гэта незвычайны час, калі сонейка на небе “грае і пераліваецца” асабліва яскрава.

Перад купальскай ноччу дзяўчаты ішлі на лугі збіраць зёлкі і абмяркоўваць, як будуць варажыць. Лічылася, што травы, сабраныя ў купальскі час маюць лекавую і цудадзейную моц.

Хлопцы таксама не сядзелі, склаўшы рукі. Трэба было падрыхтаваць сухое ламачча на вогнішча, а потым пераапрануцца ў чорта ці вадзяніка, каб напалохаць дзяўчат.

Праз купальскае вогнішча скакалі ўсе – і моладзь, і людзі сталага веку. Верылі, што купальскі агонь знішчае ўсё благое, што перашкаджае чалавеку ў жыцці.

Далучайцеся і Вы да старадаўніх традыцый святкавання Купалля разам з намі ў Беларускім дзяржаўным музеі народнай архітэктуры і побыту!

Вас чакае:

  • Жывы гук народных інструментаў і песень ад гурта “Варгін”;
  • Купальскія вянкі і варожбы;
  • Карагоды, гульні, танцы пад акардыён, скрыпку ды дуду;
  • Ачышчальнае вогнішча;
  • Майстар-класы з зёлкамі;
  • Рэканструкцыя традыцыйных абрадаў.

 

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

 

Кошт квіткоў:

  • для дарослых – 12,00 руб.;
  • студэнтаў вышэйшых устаноў адукацыі (студэнцкі білет) – 6,00 руб.;
  • для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 6,00 руб.;
  • для дзяцей дашкольнага ўзросту – бясплатна.

 

Экспазіцыя музея працуе з 11:00 да 19.00.

Каса працуе з 11:00 да 18:30.

 

Шаноўныя наведвальнікі!

  • Калі ласка, паклапаціцеся аб абутку і вопратцы згодна ўмоў надвор’я.
  • Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
  • На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.
  • Квіткі і сувеніры ў касе вы можаце набыць па безнаяўным і наяўным разліку.

 

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170Э), Паварот да музея (150), Чыкі; маршрутнае таксі №1277, №1111, №1026.

Чытайце таксама
«Зімовыя маразы»
2441
«Зімовыя маразы»

22.01.2017 з 13:00 да 14:00 адчуйце хараство і магію беларускай вёскі ўзімку!

Фотасправаздача «Фестываль гістарычнай рэканструкцыі «Эпоха рыцарства»
3672
Фотасправаздача «Фестываль гістарычнай рэканструкцыі «Эпоха рыцарства»

27-28.05.2017г. пагружэнне ў гісторыю заходнееўрапейскага і беларускага Сярэднявечча:...

3D мадэлі музейных прадметаў
1787
3D мадэлі музейных прадметаў

3D мадэлі музейных прадметаў ужо даступныя да прагляду!

Бясплатная акцыя «Цуд на Каляды»
596
Бясплатная акцыя «Цуд на Каляды»

25 снежня 2023 14:00-15:00   Дарагія сябры! Надыходзяць чароўныя калядныя дні! Усё...