17 лютага 2024 года

з 14.00 да 15.00

Грамніцы – дзень сустрэчы зімы з летам, свята свечкі і «жывога агню». Гэта адно з нерухомых святаў народнага календара, якое адзначаецца 2 лютага ў каталікоў і 15 лютага ў праваслаўных. У гэты дзень можна было ўпершыню пачуць гром і ўбачыць, як мільгае бліскавіца.

Асаблівае значэнне надавалася грамнічнай свечцы, якую выраблялі сваімі рукамі. Кожны гаспадар ведаў, што гэтая свечка дапаможа засцерагчы хату ад усялякай бяды.

У гэты пераломны дзень казалі: «На Грамніцы – паўзіміцы». Таму другая назва свята – Стрэчанне. Людзі тлумачылі сэнс свята, як сустрэча Зімы і Лета.

У некаторых мясцінах хлопцы раскладвалі вогнішча, прыносілі дровы і старыя рэчы. Калі ўсё было падрыхтавана, прыходзілі дзяўчаты і пачыналі вадзіць карагоды, спяваць веснавыя песні.

У вёсцы Новае Палессе Лельчыцкага раёна Гомельскай вобласці на Грамніцы ладзілі святочнае шэсце з абразом і грамнічнымі свечкамі. Таксама неслі ялінку, якая была ўпрыгожана кветачкамі, што сімвалізавала вясну. Лічыцца, што калі елачка будзе добра ўпрыгожана, то вясна будзе цёплай. Разам уся грамада вадзіла карагоды і танчыла. Далучайцеся і Вы ў музеі пад адкрытым небам!

Вас чакае:

• Расповед пра свята «Грамніцы» і грамнічную свечку;
• Майстар-клас па вырабу кветак з паперы;
• Майстар-класы па набіванцы і выцінанцы;
• Гульнявая пляцоўка;
• Абрад з в. Новае Палессе Лельчыцкага раёна;
• Карагоды, песні і традыцыйныя танцы вакол вогнішча.

За дадатковую плату можна:

- набыць сувеніры ад народных майстроў у касе музея;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 12,00 руб.;
• студэнтаў вышэйшых устаноў адукацыі (студэнцкі білет) – 6,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 6,00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.
• Экскурсіі ў дзень мерапрыемства праводзяцца толькі па папярэднім запісе.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №1277,1111,1026.